boty4t
06-10-2008, 03:13 AM
الحقيق من زمان و انا مقتنع بان دونادوني مدرب فاشل و فاشل جدا مش بسبب الخساره في اول مباره عادي جدا كل الفرق بتتغلب لكن عشان من البدايه اختياراته سيئه جدا من اول رفضه لانزاجي كممثل لمهاجم الاتزوري و حتي اول مباراه مع هولندا و الهزيمه القاسيه مثلا اختياراته غريبه جدا رفض انزاجي في عز تالقه و بدات مشادات كلاميه بين الاتنين انزاجي يلوم عليه و يقوا انا شاركت في التصفيات ازاي متاخدنيش البطوله و مسالتش عليا و انا مصاب و دونادوني يقول انا وضعت خطه مينفعش يكون فيها انزاجي و اسلوبه مش حينفع و كلام كتير بين الاتنين و نيجي بعد كده لاختياره للهجوم كل شويه يطلع تصريحات انا محتار المهاجمين جاهزين بشكل كبير و مش عارف اختار مره يقول دي نتالي و مره يقول ديل بييرو و توني و كمان ياكونتا و بوريللو والغريب انه اشرك في القائمه في اخر لحظه كاسانو انا بصراحه شايف انه اختيار غريب شويه يبقي اختيارات غريبه جدا و والاغرب فعلا هوه بانوتشي اللي مش بيشارك مع روما اساسيا في مباريات كثيره و ضعه في اغرب خطه النهارده و ضعه يمين و طبعا لياقته لا تساعده في انه ياخد الجنب اليمين رايح جاي ونتج عن ذلك انه وضع زامبروتا شمال و مننساش ان زامبروتا كان مع ليبي بيلعب يمين و كمان في برشلونه لكن (المخترع دونادوني ) وضعه شمال عشان يسمح لبانوتشي انه يلعب يمين و يقعد جروسو احتياطي عشان خاطر عيون بانوتشي ياسلام الحقيقه راجل عظيم و طبعا فاق بعد النتيجه 2 -0 لهولندا و رجع نزلجروسو شمال و نقل زامبروتا يمين مكان بانوتشي و شال بانوتشي خالص بس بعد ايه و طبعا الهجوم من غير ديل بيرو اللي كان المفروض يبدا بيه اللقاء بدلا من دي ناتالي و كمان الدفاع ضياع بارازالي و الخطا الدفاعي القاتل بانوتشي يمين و زامبروتا شمال و كمان ماتيرازي مش في حالته اوي طبعا اخطاء رهيبه خلت النتيجه 3-0 صفر و هزيمه تقيله اوي
ياسلام لو كان خد انزاجي و توني قدام و يليهم ديل بيرو كراس مثلث كان حيكون هجوم تقيل اوي و كذلك الدفاع من غير نيستا و كانافارو اتصاب و ده لانه مدرب نحس اصلا ده لو خد مالديني كان حيظبط الصف اللي وراه ربنا ينتقم منك يا دونادوني بعد اللي عملته فينا المشكله الكبيره في اللي جاي يا تري حيقدر يعدي من فرنسا و رومانيا؟
ياسلام لو كان خد انزاجي و توني قدام و يليهم ديل بيرو كراس مثلث كان حيكون هجوم تقيل اوي و كذلك الدفاع من غير نيستا و كانافارو اتصاب و ده لانه مدرب نحس اصلا ده لو خد مالديني كان حيظبط الصف اللي وراه ربنا ينتقم منك يا دونادوني بعد اللي عملته فينا المشكله الكبيره في اللي جاي يا تري حيقدر يعدي من فرنسا و رومانيا؟